मुंबई |
राष्ट्रवादी काँग्रेसचे अध्यक्ष खासदार शरद पवारांनी राजकारणाच्या निर्णायक टप्प्यावर आपणच स्थापन केलेल्या राष्ट्रवादी काँग्रेसच्या अध्यक्षपदावरून निवृत्तीची घोषणा केली आहे. महाराष्ट्राच्या राजकारणात खळबळ उडवणारी ही घटना आहे. शरद पवारांचे आत्मचरित्र “लोक माझे सांगाती” याच्या विस्तारित आवृत्तीच्या प्रकाशन समारंभात यशवंतराव चव्हाण सेंटरमध्ये पवारांनी आपल्या निवृत्तीची घोषणा केली. त्यानंतर महाराष्ट्राच्या राजकारणात वेगवेगळ्या अटकळी निर्माण झाल्या असून राष्ट्रवादी काँग्रेसच्या अध्यक्ष पदाची सूत्रे शरद पवार आपल्या कन्या खासदार सुप्रिया सुळे यांच्याकडे सोपवण्याची चिन्हे आहेत.
राष्ट्रवादीचे सर्वेसर्वा शरद पवार यांच्या ‘लोक माझे सांगाती’ या पुस्तकाचे प्रकाशन मंगळवारी झाले. या पुस्तकातून शरद पवार यांनी महाराष्ट्रातील राजकारणात खळबळ उडेल असे हे धक्कादायक खुलासे आहेत. या पुस्तक प्रकाशनाच्या कार्यक्रमात शरद पवार यांनी अनेक आठवणी सांगितल्या. आपण कार्यकर्ता ते नेते कसे झाले, याची माहिती शरद पवार यांनी दिली.
यावेळी त्यांनी राष्ट्रवादी काँग्रेसचे अध्यक्ष पदावरून निवृत्तीची घोषणा केली. त्यामुळे यशवंतराव चव्हाण सेंटर मध्ये असलेल्या नेते आणि कार्यकर्त्यांमध्ये एकदम अस्वस्थता निर्माण झाली आणि त्याचबरोबर शरद पवारांचा राजकीय वारस म्हणून कोण पुढे येणार?, याची देखील चर्चा सुरू झाली.
शरद पवार म्हणाले :
- माझे घर काँग्रेसच्या नव्हे तर शेतकरी कामगार पक्षाच्या विचारांचे होते. माझे वडील बंधू शेतकरी कामगार पक्षाचे नेते. परंतु महाराष्ट्र निर्मितीच्या चळवळीमुळे आम्ही काँग्रेसच्या जवळ जाऊ लागलो. मी यशवंतराव चव्हाण यांच्या विचारांकडे आकर्षित झालो. त्यावेळी घरातील वातावरण वेगळे व माझे विचार वेगळे असे झाले.
- मी काँग्रेस पक्षाचा सदस्य झाला. हळहळू मी पुण्यात काम केले. त्यानंतर मला मुंबईत काम करायचे सांगितले. मग महाराष्ट्रातील मोठ्या नेत्यांशी संपर्क येत होते. त्यावेळी अनेक मोठे नेते हॉटेलमध्ये उतरत नव्हते तर पक्षाच्या कार्यालयात किंवा कार्यकर्त्यांच्या घरी उतरत होते. त्यावेळी इंदिरा गांधी यांच्यांशी संपर्क आला. त्यावेळी युनोस्कोच्या संघटनेसाठी माझी निवड झाली. मला जपान, अमेरिकामध्ये जाण्याची संधी मिळाली. जपानला आम्ही गेलो तेव्हा जपानच्या पंतप्रधानच्या कार्यालयात काम करायला मिळाले. त्यावेळी जपानमध्ये पंतप्रधानांचे कार्यक्रमाचे नियोजन आम्ही केले. आंतरराष्ट्रीय पातळीवर नेतृत्व करणाऱ्या व्यक्तीच्या कार्यलयात काम करण्याची संधी मिळाली.
- त्यावेळी दौरा सोडून मला परत बोलवले. मला विधानसभेला उभे राहण्याची संधी मिळाली. १९६७ मध्ये तिकीट मिळाले. निवडणूक सोपी नव्हती. परंतु अनेक वर्षे युवकांच्या चळवळीत काम केले. त्यानंतर विद्यार्थी चळवळीत काम केले. त्याचा फायदा झाला आणि मी निवडून आले.
- मला विद्यार्थी चळवळीत आधिक रस होता. नववीत असताना पहिला मोर्चा काढला. १९६७ पर्यंत मला आमदार म्हणून संधी मिळाली. त्यानंतर सतत मी विविध पदांवर आहे. म्हणजेच गेली ५६ वर्षे मी राजकारणात विविध पदावर आहे. आता आपण राष्ट्रवादीच्या अध्यक्षपदारून निवृत्ती घेत असल्याचे पवार यांनी सांगितले.
शरद पवार हे राष्ट्रवादी काँग्रेसच्या अध्यक्षपदावरुन निवृत्त होण्याचा निर्णय घेतला आहे. संघटनेबाबत पुढे काय करायचं याबाबत मी एक समिती स्थापन करणार असून यात सदस्य निर्णय घेतील, असं शरद पवार यांनी सांगितलं. शरद पवारांचं आत्मचरित्र ‘लोक माझे सांगाती’ च्या सुधारीत आवृत्तीचे आज प्रकाशन झाले. त्यावेळी ते बोलत होते. परंतु ते निवृत्त कधी होणार याबाबत त्यांनी सांगितलं नाही