निवडणूक आयोगाकडून देण्यात आलेल्या माहितीनुसार कर्नाटक निवडणुकीत भाजप 70 जागांवर, काँग्रेस ११० जागांवर, जेडीएस 23 जागांवर, कल्याणा राज्य प्रगती पक्ष 1 जागा, सर्वोदय कर्नाटका पक्ष 1 आणि 3 जागांवर अपक्ष उमेदवार आघाडीवर आहेत.
कर्नाटकच्या सुरुवातीच्या ट्रेंडमध्ये काँग्रेस बहुमताच्या पलीकडे जाताना दिसत आहे. सध्याच्या आकडेवारीनुसार काँग्रेस पक्ष १२० जागांवर आघाडीवर आहे. भाजप 70 जागांवर आघाडीवर आहे. कर्नाटकातील एक्झिट पोलचे निकाल योग्य असल्याचे दिसून येत आहे. कर्नाटकात काँग्रेस बहुमताच्या जवळ जाताना दिसत आहे. काँग्रेस 107 जागांवर पुढे आहे. तर भाजप 83 जागांवर आघाडीवर आहे.
भाजपचे दिग्गज नेते आणि माजी मुख्यमंत्री लक्ष्मण सवदी हे यावेळी काँग्रेसच्या तिकिटावर निवडणूक लढवत असल्याने कर्नाटकातील अथडी विधानसभा जागेवर सर्वांचे लक्ष लागले आहे. सावेडीच्या विरोधात भाजपचे महेश कुमथल्ली आणि जेडीएसचे शशिकांत पडसलगी आपले नशीब आजमावत आहेत. कुमथल्ली यांनी काँग्रेसच्या तिकिटावर मागची निवडणूक जिंकली, पण नंतर भाजपमध्ये प्रवेश केला. अशा प्रकारे मागील निवडणूक लढवलेले दोन्ही नेते एकमेकांच्या विरोधात नशीब आजमावत आहेत.
दक्षिण भारत भाजप मुक्तीच्या दिशेने :
सध्याच्या कलानुसार भाजपला कर्नाटकमध्ये प्रचार करूनही मोठा झटका बसत असल्याचं चित्र आहे. अशात भाजपच्या मिशन-दक्षिणलाही हा मोठा धक्का असू शकतो. दक्षिणेमध्ये आंध्र प्रदेश, केरळ, पुद्दुचेरी, तामिळनाडू आणि तेलंगणामध्ये भाजपला अद्याप स्वतःला पाय रोवता आले नाही. दक्षिणेकडील सहा राज्यांमध्ये लोकसभेच्या 130 जागा आहेत, ज्या एकूण लोकसभेच्या जागांपैकी सुमारे 25 टक्के आहेत.